Lítil biblíuþekking

Drottning af Saba og Salomon urðu ekki hjón eins og mbl.is fullyrðir í dag. Áhugamenn um Séð-og-Heyrt fréttir geta lesið allt um staðreyndir málsins í Fyrri konungabók, tíunda kafla.

Drottningin hafði heyrt orðróm um speki hans og þótti svo mikið til koma að hún varð að ganga úr skugga um það sjálf. Hún fór á hans fund og gat hann svarað öllum spurningum hennar. Þau skiptust á gjafaflóði og svo fór hún bara aftur heim.

Hér er speki Wikipedia um konuna. 

Höll drottningarinnar af Saba fundin?

Athugasemdir

[Lárus (IP-tala skráð) 8.5.2008 kl. 10:27]

Ertu að reyna að segja að Biblían segi frá þessu sem klettfastri sögulegri staðreynd?

[Ólöf Ingibjörg Davíðsdóttir, 8.5.2008 kl. 11:06]

Ert þú að segja að Séð-og-heyrt fréttir séu klettfastar sögulegar staðreyndir?

[Kristinn (IP-tala skráð) 8.5.2008 kl. 12:29]

Getur ekki verið að til séu aðrar heimildir sem segja frá hjónabandi Salomons og drottningarinnar?

[Ómar Bjarki Kristjánsson, 8.5.2008 kl. 12:55]

Jahá. Salómon og drottningin af Saba orðin harðgift.  Þetta er magnað.

Reyndar minnist Bíblían lítið og nánast ekkert á að náið samband þeirra í millum (en hún á að hafa fært honum tonnatal af gulli) en Eþíópíska sagan segir segir að heimsóknin hafi leitt af sér barn, Manelik,  sem varð svo fyrsti eþíópíski gyðingatrúarkeysarinn. 

[Mofi, 8.5.2008 kl. 14:03]

Takk fyrir þessa ábendingu Ólöf  :)

Ómar, geturðu bent á einhverjar heimildir varðandi þessa sögu um Manelik? 

[Lárus (IP-tala skráð) 8.5.2008 kl. 14:45]

Mér finnst lélegt af þér Ólöf að svara spurningu minni með skætingi. ég sagði aldrei neitt um séð-og-heyrt fréttir en þú ert þarna að segja, og ég vitna í þig sjálfa: "Áhugamenn um Séð-og-Heyrt fréttir geta lesið allt um staðreyndir málsins í Fyrri konungabók, tíunda kafla."

þetta kalla ég að kasta fram fullyrðingu. Fullyrðingu sem mér þætti gaman að sjá þig koma til hjálpar með betri rökum. 

[Ómar Bjarki Kristjánsson, 8.5.2008 kl. 14:54]

Já, hann hét að vísu Menelik.

Það er rit sem Eþíópar líta á sem áræðanlegt, Kebra Nagast (Dýrð konunganna) og ma. rekur keisaraættina beint til Samlómóns og eru með sögu um hvernig Salómon platar drottninguna til að sofa hjá sér síðustu nóttina í heimsókninni.

Þegar Menelik er orðinn fullorðinn fer hann til Ísraels að heilsa uppá kallinn og þar verður atburðarrás sem verður til þess að hann  smyglar (reyndar án hans vitundar) sjálfri Sáttmálsörkinni til Eþíópíu.  Annars er wiki með ágætis yfirlit.

http://en.wikipedia.org/wiki/Kebra_Negast

Þetta er náttúrulega bara þjóðsaga. (Að mínu áliti)

[Ólöf Ingibjörg Davíðsdóttir, 8.5.2008 kl. 15:05]

Það væri kannski gott að fólk læsi fréttina sjálfa áður en það tjáir sig um færslu mína. Frétt mbl.is segir að í biblíunni standi að Saba drottning hafi gifst Salomon. Staðreynd málsins er sú að það stendur ekki í biblíutextanum. Þeim til hægðarauka sem lesa ekki biblíutextann bjó ég svo til einfaldan útdrátt. Ég tek enga afstöðu til sögulegs gildis biblíutextans. Þar fyrir utan er lífið er svo miklu léttara þegar skens er metið sem skyldi.

[Ólöf Ingibjörg Davíðsdóttir, 8.5.2008 kl. 15:07]

Ómar, takk fyrir þessa samantekt og slóðina áfram.

[Lárus (IP-tala skráð) 8.5.2008 kl. 15:54]

rétt, sé það núna. staðreyndin er að þetta stendur á annan hátt í biblíuni. gaman væri samt að vita hvort mismunandi væri sagt frá þessu milli þýðinga á hinum ýmsu tungumálum.

[Ólöf Ingibjörg Davíðsdóttir, 8.5.2008 kl. 16:01]

Gott að heyra frá þér aftur, Lárus. Mig langar um leið að biðja þig að vísa ekki á aðra vefsíður en þínar eigin með nafninu þínu. Góða helgi!

[Þorsteinn (IP-tala skráð) 8.5.2008 kl. 20:34]

Þú vísar á wikipediu.org, hver veit nema þú hafir ekki breytt greininni eða hún sé vitlaus, vísaðu frekar í Encyclpædiu Britannicu

[EB (IP-tala skráð) 8.5.2008 kl. 23:58]

 Þorsteinn, hér er slóðin á Encyclopædia Britannica

http://www.britannica.com/eb/article-9067221/Queen-of-Sheba

 Þar kemur annars m.a. fram að drottningin af Saba hafi hvorki gifst Solomon í útgáfu gamla testamentisins, né útgáfu Kóransins, en þjóðsögur séu til í útgáfum með giftingu þeirra og án. Eins og Ómar Bjarki segir þá halda Eþíópíumenn því svo fram að þau hafi átt son, en ekki gifst.

Gaman að þessu ;) 

[Baldur Gautur Baldursson, 9.5.2008 kl. 08:35]

Það er greinilegt að koma á drottningunni af Sabah í hnapphelduna, þótt heldur seint sé. Þetta finnst mér bara svo ótrúlega fyndið. Takk fyrir þitt framlag til aukinnar biblíuþekkingar þjóðarinnar.  Hefði sjálfur viljað vera á staðnum þegar Salómon og drottningin hittust. Hvílík fínheit.