Hefðarhósti

Þetta hef ég alltaf sagt. Ef mér finnst einhver lympa sækja að mér þá hægi ég ferðina, fer snemma í bólið og geri það næstu daga þar ásóknin líður hjá. Slepp ég þá yfirleitt við kvefpest, rúmlegu og veikindaforföll.

Ég hef haft frámunalega lítið umburðalyndi gagnvart gauragangi skólafélaga minna fram eftir nóttu. Þó ég sé ekki ein um það þá er ég sú eina sem fer fram og kvarta. Hinir ræða við mig einslega næsta dag og segja að þeir hafi ekki heldur getað sofið. En fyrr skal Kaninn dauður liggja en finna að við sökudólgana.

Ef ég smitast af kvefi vestra vegna ónógs svefns þá mun ég borga fyrir mig með því að hnerra án þess að halda fyrir munninn og þvæ mér ekki um hendurnar eftir að hafa snýtt mér. Geng svo um og heilsa öllum með handabandi og kossi að íslenskum sveitasið.

Myndin er af vefsíðu Futil Brands. 

Svefnleysi eykur líkur á kvefi

Athugasemdir

[Laufey B Waage, 13.1.2009 kl. 11:26]

Það er greinlega ekki bara hér á klakanum sem flensukvefpest herjar á. Og ekki bara íslenskir námsmenn sem ástunda svefnóreglu.