Útskrift úr starfsþjálfun

Í dag útskrifaði biskup Íslands 12 kandídata úr starfsþjálfun djákna- og prestsefna Þjóðkirkjunnar. Yðar einlæg var þar á meðal.

Eins og myndin sýnir sem undirrituð afritaði úr frétt af vefsíðu kirkjunnar var gleðin við völd enda fagnaðarefni fyrir okkur öll að ljúka þessum lokaáfanga í námi okkar. Í eiginlegum skilningi er þessi útskrift þó ekki endir heldur upphaf í nýju samhengi þess sem við höfum lengi lifað út. Það er víst að við munum ekki öll lenda þar sem við ætluðum okkur í upphafi ferðar. Sumum okkar mun það koma þægilega á óvart. Sumum okkar verður það til trafala við að finna köllun okkar hugmyndaríkan farveg. Ég á þá bæn að við mættum öll finna gjöfulan og nærandi vettvang fyrir hæfileika okkar og hjartans þrá í samfélagi við Guð og fólk með góðan vilja.

Athugasemdir

[Þórey Dögg Jónsdóttir (IP-tala skráð) 4.7.2008 kl. 12:41]

Ólöf mín, innilega til hamingju með þennan áfanga í lífi þínu.  Ég er ekki í nokkrum vafa um það að þú átt eftir að finna þér góðan farveg í lífinu, Guð styður þig í því.

Ps. Bergdís sem stendur við hliðina á þér (v.megin) er frænka mín, alger öðlingur

[Baldur Gautur Baldursson, 4.7.2008 kl. 21:09]

Innilega til hamingju með áfangann. Þetta er stórt!  Quod felix, faustumque sit!  Vona að þið njótið blessunar Guðs á akrinum og ykkar margvíslegu viðfangsefnum. Blessun Biskups er sennielga fín, en blessun Algóðs Guðs er sú sem skiptir máli og hennar óskar ég ykkur öllum

Pax et bonum, Baldur prestur í Stokkhólmi

[Heidi Strand, 5.7.2008 kl. 11:00]

Hjartanlega til hamingju Ólöf!

[SM, 7.7.2008 kl. 00:35]

Til hamingju med afangann!

[Laufey B Waage, 7.7.2008 kl. 01:06]

Innilegar hamingjuóskir. Vona líka að kraftar þínir - og ykkar allra eigi eftir að nýtast sem best - og þið að njóta ykkar í lífi og starfi.

[Guðrún mágkona (IP-tala skráð) 7.7.2008 kl. 13:31]

Innilegar hamingjuóskir með áfangann og megir þú ganga á Guðs vegum inn í hina mjög svo óræðu en spennandi framtíð.

Kærar kveðjur frá Hveragerði með þökkum fyrir skemmtilega samveru á laugardag.

[Ransu, 10.7.2008 kl. 01:24]

Til hamingju

[Ólöf Ingibjörg Davíðsdóttir, 10.7.2008 kl. 10:13]

Hjartans þakkir fyrir velfarnaðaróskir ykkar. Stóra skúbbið kemur innan tíðar.