Ekki verður bókvitið í askana látið

Þetta orðatiltæki á rætur sínar að rekja til þess uppátækis er Íslendingar reyndu að endurvinna fornhandritin á harðindaárunum og þóttu þau ill til átu. Eða þannig!

Þar kom að því - ég varð að standa við stóru orðin! Týna alla sneplana út úr bókunum og eta þá. Mér þóttu þeir hvorki góðir til að eta af né fagrir á að líta þó þeir hafi merkt við það sem mér þótti girnilegt til fróðleiks í skruddunum. Ég reyndi að flikka upp á senuna með borðbúnaði og blómum en þornaði í munninum við tilhugsunina í stað þess að munnvatnskirtlarnir settu sig í startholurnar. Límið á rifrildunum reyndist enginn bragðbætir.

Ég verð þó að viðurkenna að ég leifði nokkrum sem áfram fá að sitja á síðubrúnum til að varða nokkra gullmola sem ég kem annars aldrei til með að finna aftur í bókastaflanum.

BA ritgerðinni var endanlega skilað í morgun.

Ég er búin í háskólanum! 

 

 

Athugasemdir

[Sunna Dóra Möller, 14.1.2008 kl. 22:03]

Innilega til hamingju með þennan áfanga Ólöf !

[Heidi Strand, 14.1.2008 kl. 23:41]

Til hamingju!

[Sigurlaug B. Gröndal, 16.1.2008 kl. 23:04]

Innilegar hamingjuóskir með áfangann.

[Carlos Ferrer (IP-tala skráð) 17.1.2008 kl. 09:46]

Lykke til.

[Bryndís Böðvarsdóttir, 23.1.2008 kl. 09:48]

Innilega til hamingju!

Fann þig á blogginu fyrir hreina tilviljun. Vildi bara aðeins heilsa upp á þig.